|
|
BAP
Shoeshine
Dä Park vüürm Grand Hotel wirk wie verwunsche,
Vun irj’ndwoher weed et hell.
Nur dä Croupier schwaad met ’nem Kunde,
Ahnscheinend jeht et öm Jeld.
Dä letzte Daach em Johr hätt ahnjefange,
Unfassbar, wie die Zick wegläuf,
Doch Magdalena, die zur Kaateschlääsch jejange, weiß:
’T jeht alles kloor, wemmer’t nur fess jenooch jläuv.
Ramon ess mettlerweile paarunsechzig,
E’ halv Johrhundert dobei.
Er putz die Schoh he, charmant un lässig,
Vüürm Grand Hotel San José.
Wer op sich hällt, säät Magdalena,
Dräät Ledderschoh, do blieht et bei,
Dä janze Pumaquatsch ess irjendwann jejesse,
Nur’t Grand Hotel, dat steht dann immer noch he.
How ’bout Shoeshine?
Wie wöhr et met jet Shoeshine?
Hey, let me make your shoe shine,
Shoeshine’s all right!
Et patrouilliert ’ne Polizeijeep,
Zwei Type jonn enn’t Café.
Señor Delgado sammelt Fläsche uss Plastik,
’Ne Stricher dealt mem Portier.
Ramon läuf en, schon enn Erscheinung:
Frisur un Schnäuzer wie lackiert.
Silvester kann, wenn’t sinn muss, losjonn
Für ihn, dä Lück noh ihre Schoh taxiert.
How ’bout Shoeshine?
Wie wöhr et met jet Shoeshine?
Hey, let me make your shoe shine,
Shoeshine’s all right!
Dä Local Loser met däm Toupet hätt
Och diss Naach widder kei Jlöck.
Joot, wenn beim Spill nit, dann enn der Liebe!,
Grins e’, bekoks un verröck.
Och Magdalena met ihre Kröcke
Weed jetz enn ihrer Blechbuud wach.
Op einem Bein määt sie sich stumm jlisch op de Socke
Nohm Grand Hotel – su wie sick Johr un Daach.
How ’bout Shoeshine?
Wie wöhr et met jet Shoeshine?
Hey, let me make your shoe shine,
Shoeshine’s all right!
|
|
Formas De Pago 
Colecciones Completas de Tebeos
Carro 
